فاضل دقايق
وفحبي ليكي يتولد عام جديد
وعمر السنين ها يزيد رقم
لو بالرقم راح تتحسب ، يبقى رقم حبك يزيد
لو بالرقم ;
هاتو الشهود
يشهدوا : إني فحبك حالف ازود 100 رقم
من غير حساب
لو بالرقم راح تتحسب يبقي الرصيد
فاق الحدود
فترة سماحه مكملة ليوم الحساب
من غير عتاب
راحت سنه
شهدت ميلادنا عاشقين
ولو ها نبعد 100 سنه
وتاخدنا سكة الغياب
ها نبقى ذكرى للسنين
تحكيها ليهم دي السنه
فاضل دقايق
سيبي فيهم قلبي دايب
واحضني فيهم ايديا
نرقص سوا على دق قلبي المنتشى
من فرحة الكون لما ضمك
لما باح بالحب قلبك
لما حبك
لما داب في همس قلبك
وجوا حضنك ارتمى
لما قالك
دفي قلبي بضحكتك
واسكنيني برقتك
واجعليني دنيتك
غيرك ما تشوفش عنيا
واما قالك من دقايق
انه عاشق
ضحكة الاطفال فـ ثغرك
وانه غارق جوا بحرك
واما قالك
انتي مرسى امانيّ
فاضل دقايق
وتفوت سنة على قلبي وانتي منه قريبه
يا ام المشاعر طيبه
وقلب حاني
ومين ادي اني ؟ لما اقول دي عشقاني
وحباني
حب وداني
لدنيا ابعد مالخيال
دايب انا وعشقك محال
يا اما العيون الباسمات الآملين الضاحكات
فاتت ساعات
وانا بين ايديكي
وفاضل ثواني ويتولد
عام جديد
فـ حبي ليكي
3
تلت ثواني فاضلين لك
يلا الحقى فيهم نفسك
اتمني فيهم امنيه
قولي يارب يكون ليا
وادعي يارب اكون قدرك
ونعجز سوا بعد الـ 100
2
هما يا دوب ثانيتن
الحق انا فيهم نفسي
واقول على دعاكي امين
واطبع على خد الجميل بوستين
1
مش فاضل غير ثانية واحده
في بداية العام الجديد
ما فيش غير كلمة واحدة
بحبــــــــك
♥
إرسال تعليق
حط تعليقك وقول رأيك هنا يامعلم ..